Sa'ad nan nijalisay Ukud Apudyus gway nappung inimuscha sasan taku nu maagwatancha nan chingngorcha niwhasa. Ad sa'ad chanan man'amadan whayugwoncha ekajay manchongor san Ukud Apudyus san whinuthut tan maagwatancha. Agwad chanan man'amadanay ummuna nangusgwila san literacy tot umakammucha mangwhasa san Biblia ja uchumpay. Sa'ad san mallukijancha mangwhasa, ummergwa nan aammugwancha mipangkop an Apudyus. Sa'ad san nugwan Ilu'anu nan ususayoncha mansuyu san singwhaan, mallugwayu ad mawhaincha mallugwayu san Whinuthut tan san somsomo'cha wha'on kus maagwatan ja chongyon Apudyus. Naakammugwancha kun kapu san nasuyuwancha, san sana ad mawhalinay mangwhasa chanan man'amadan san Ukud Apudyus san Whinuthut ja mallugwayucha san whinuthutay apapat.
Iningkaw nan osa mangorrag gway ummony na'aapi an cha Alfred an Racquel Mijares. Kun ingwhasan Alfred an sija nan nijalisay ukud Apudyus san Whinuthut tot chongyona nu ustu nan na'gwa ja maagwatana. Namingsan ad ummoy summi'ad san sangun nan singwhaan kun nanjaman an chicha gway ummali nangijalis san Ukud Apudyus san Whinuthut. Intetimunina gway manggwana, "San sana sa'ad nan apapatay inchalis chanan chacha''or mi nilista/ninibyu.
Annaja nan nangipapigsa san somsomo' cha Alfred an Racquel kapu than akammucha gway Ukud Apudyus nan awhayugwan as mawhalinay taynancha/ichalischa sasan iHuthut. Ad ta'on nu mappung nan translation nan Biblia ja lumajawcha san ilid Huthut, sissija agwad sasan iHuthut nan Ukud Apudyus gway nijalis san Whinuthut and sachi nan anna nan ayobhongana manghos san whijag nan osa taku. Ad nu kadto'ay nawhaligwan nan whijag nan osa taku mijakay nan whinnursu ancha lagwingay o'o''on chanan taku, ad hummayu nan tuyungon chanan iHuthut san umaliyay chimpu.
San February 2015, 82% san A''opgwa Tuyag (Baro a Tulag) nan inakuwhayan chanan consultant. Agwad nan opatay nibyu gway chaan maatod sasan consultant: Hebreo, 1 ja 2 Corinto ja nan Nipaakammu (Paltiing).
Nu ijajun Apudyus, mappung nan A''opgwa Tuyag san tagwonay 2016. Ad annaja nan nawhajakay uullajon chanan taku gway sachi nan mangipaamamod mangipapigsa san pammatin chanan taku.
